Lady Bulldogs reyna ng UAAP women’s cagefest
MANILA, Philippines – Sinakmal ng National University ang De La Salle University, 96-72 upang masungkit ang kampeonato sa UAAP Season 79 women’s basketball tournament kahapon sa Mall of Asia Arena sa Pasay City.
Umariba si Gemma Miranda ng double-double na 25 points at 13 rebounds habang naglista si back-to-back Season MVP Afril Bernardino ng 18 markers, siyam na assists, anim na boards at tatlong steals para sa Lady Bulldogs
Itinanghal na Finals MVP si Miranda.
“I just told the girls to take care of the ball and make some adjustments. Siguro yung defense namin, maganda. If we play good defense, our offense will just come easy for us. Gemma and Afril played good today,” ani NU coach Patrick Aquino.
Ito ang ikatlong sunod na taon na nawalis ng Lady Bulldogs ang lahat ng asignatura nito para palawigin ang kanilang winning streak sa 48 games.
Magandang paalam din ang panalo para kina Bernardino at Miranda na tuluyan nang lilisanin ang NU matapos maubos ang kanilang five-year playing eligibility,
Nanguna para sa Lady Archers si Khate Castillo na nagrehistro ng 15 puntos, anim na rebounds at apat na assists katuwang sina Jhoana Arciga at Snow Peñaranda na may 14 at 13 puntos, ayon sa pagkakasunod.
“I’m happy for women’s basketball which is gaining so much attention. Masaya ako sa mga girls and sa future ng sport,” dagdag ni Aquino na siya ring humahawak sa Perlas Pilipinas squad.
NU 96 - Miranda 25, Bernardino 18, Animam 16, Nabalan 15, Camelo 9, Itesi 8, Del Carmen 3, Layug 2, Ceno 0, Harada 0.
DLSU 72 - Castillo 15, Arciga 14, Peñaranda 13, Claro 9, Nunez 7, Vergara 7, Gonzales 4, Dagdagan 3, Javier 0, Revillosa 0, Vela 0.
Quarterscores: 26-15, 52-36, 78-47, 96-52
- Latest
