Kings swak sa quarters, Aces nakasilip naman ng tsansa
MANILA, Philippines – Hindi na napigilan ang Gin Kings sa pagpasok sa quarterfinals.
Nakabawi mula sa 13-point deficit sa third quarter, niresbakan ng Barangay Ginebra ang Star, 116-103, sa 2016 PBA Governor’s Cup kagabi sa Smart Araneta Coliseum.
Ito ang ikalawang sunod na panalo ng Gin Kings para itaas sa 6-2 ang kanilang kartada kapantay ang Mahindra Enforcers sa ilalim ng TNT Katropang Texters (6-1).
Nalasap naman ng Hotshots (1-6) ang kanilang ikaanim na dikit na kamalasan.
Nang maagaw ang 78-76 abante sa pagtatapos ng third period ay dumiretso ang Ginebra sa pagtatala ng 99-84 bentahe sa huling 6:35 minuto ng final canto.
Samantala, hindi naman naglaro si import Eric Dawson bunga ng injury nito.
Ito ang sinamantala ng Alaska para paluhurin ang Blackwater, 107-87, at makasilip ng pag-asa sa quarterfinals.
Nakabangon ang Aces mula sa naunang kabiguan sa nagdedepensang San Miguel Beermen, naglaro nang wala si Arizona Reid, para sa kanilang 3-5 record, habang nalagay sa balag ng alanganin ang Elite sa 1-7 baraha nila.
“In our preparations he was a part of it. Dito ko lang narinig na hindi siya maglalaro,” sabi ni American coach Alex Compton.
Maliban kay Dawson ay hindi rin naglaro ang mga may injury na sina Reil Cervantes at JP Erram.
Pinamunuan ni import LaDontae Henton ang Alaska sa kanyang game-high na 33 points, 8 rebounds at 3 assists, habang nagdagdag si rookie Kevin Racal ng 12 markers kasunod ang 11 ni Ping Exciminiano.
Umiskor si rookie Arthur Dela Cruz ng 23 points sa panig ng Blackwater, habang may 18 si Carlo Lastimosa at tig-10 sina Bambam Gamalinda at Jason Melano.
Kumamada si Henton ng 13 points sa second period para ilayo ang Aces sa halftime, 54-36, bago tuluyang ibaon ang Elite sa 82-54 sa pagtatapos ng third quarter.
Ginebra 116 - Brownlee 38, Aguilar 21, Mercado 14, Tenorio 13, Cruz 8, Caguioa 8, Thompson 6, Marcelo 4, Mariano 2, Devance 2, Helterbrand 0.
Star 103 - Wright 31, Simon 22, Pingris 13, Garcia 10, Barroca 9, Yap 9, Melton 5, Sangalang 2, Maliksi 2, Reavis 0, Pascual 0.
Quarterscores: 21-33; 50-58; 78-76; 116-103.
- Latest