Chiefs pinasuko ang Generals
Blazers tambak sa Altas
MANILA, Philippines – Pinasuko ng Arellano University ang Emilio Aguinaldo College sa pamamagitan ng 88-82 panalo upang makisosyo sa ikatlong puwesto sa NCAA Season 92 men’s basketball tournament kahapon sa The Arena sa San Juan City.
Bumida sa pagkakataong ito si Lervin Flores na nagtala ng double-double na 20 puntos at 15 rebounds kasama ang dalawang blocks upang hatakin ang Chiefs sa 4-2 rekord at saluhan ang nagdedepensang Letran na may katulad na marka.
“Hindi ganun kaganda ang panalo namin pero panalo pa rin and it feels good to be back to the win column. Naka-move on na kami from our loss against San Beda,” wika ni Arellano mentor Jerry Codiñera.
Naramdaman din ang puwersa ni Jiovanni Jalalon na umukit ng 15 puntos, 12 assists, tatlong rebounds at tatlong steals gayundin sina Julius Cadavis at Rence Alcoriza na may pinagsamang 22 puntos.
Lumasap naman ang Generals ng ikalimang kabiguan kontra sa nag-iisang panalo para malugmok sa ilalim ng standings.
Nanguna para sa Generals si Hamadou Laminou na may 23 puntos, walong rebounds at tatlong blocks katuwang sina Remy Morada na may 17 puntos at apat na boards, at Sidney Onwubere na may 16 markers at 14 rebounds.
Samantala, nakisalo sa ikatlong posisyon ang University of Perpetual Help System Dalta nang ilampaso nito ang College of Saint Benilde sa bendisyon ng 70-55 demolisyon.
Nagsilbing ilaw ng Altas si Nigerian Bright Akhuetie na tumipa ng 21 points, siyam na rebounds at apat na blocks para hatakin ang Altas sa 4-2 baraha.
Ito ang ikalawang sunod na impresibong laro ni Akhuetie na naglista ng 21 points, 16 boards at tatlong blocks sa 61-55 panalo ng Altas sa Knights.
“We’re blessed with good imports,” ani Perpetual Help coach Gimwell Gican.
Tumulong din si Nigerian Prince Eze na may 10 points, walong caroms at dalawang blocks.
Sa ikalawang laro, sumandal ang Lyceum kay Cameroonian bigman Harry Nzeusseu para hugutin ang 83-79 pananaig laban sa San Sebastian College-Recoletos tungo sa ikatlong sunod na panalo.
Umangat sa 3-3 ang Pirates habang lumagapak sa 1-5 ang Stags.
Arellano 88 - Flores 20, Jalalon 15, Cadavis 12, Alcoriza 10, Salado 7, Nicholls 7, Viloria 5, Canete 4, Gumaru 3, Zamora 3, Holts 1, Enriquez 1, Aguilar 0.
EAC 82 - Laminou 23, Morada 17, Onwubere 16, King 11, Munsayac 10, Guzman 3, Pascua 1, General 1.
Quarterscores: 21-22, 45-36, 62-66, 88-82.
LPU 83 - Nzeusseu 26, Baltazar 14, Ayaay 10, Alanes 10, Caduyac 9, Marata 7, Serafico 4, Alban 2, Malabanan 1, Soliman.
SSC-R 79 - Costelo 23, Fabian 19, Ilagan 15, Calisaan 10, Mercado 3, Quipse 3, Sera Josef 2, Johnson 2, Calma 2.
Quarterscores: 23-24, 48-41, 59-58, 83-79.
Perpetual 70 - Akhuetie 21, Dagangon 16, Eze 10, Pido 7, Hao 7, Coronel 6, Dizon 2, Singontiko 1, Sadiwa 0.
St. Benilde 55 - Saavedra 15, JJ Domingo 9, Young 9, Haruna 6, Fajarito 6, Dixon 4, Belgica 3, Castor 2, Pajarillaga 1, San Juan 0.
Quarters: 15-6, 32-24, 57-39, 70-55
- Latest
