Ochoa kampeon sa Jiu-Jitsu World Championship
MANILA, Philippines – Sumipa ng ikatlong sunod na gintong medalya si Meggie Ochoa sa prestihiyosong Jiu-Jitsu Federation World Championship na ginanap sa Long Beach, California kamakailan.
Itinanghal na kampeon ang 26-anyos na si Ochoa sa rooster weight division (under-107 lbs.) matapos gapiin ang pambato ng Amerika sa finals.
Pinayuko rin nito ang mga fighters mula Mongolia at Brazil.
Aminado si Ochoa na mas matindi ang bakbakan ngayong taon dahil malaki ang itinaas ng lebel ng mga kalahok sa edisyong ito.
“Mas nadalian ako last year. Pagaling na nang pagaling (ang mga kalaban) and it’s a tribute to the progress of the sport,” wika ni Ochoa sa pagbisita nito sa lingguhang PSA Forum sa Shakey’s Malate.
Umaasa si Ochoa na maging magandang umpisa ang kanyang tagumpay upang mahikayat ang iba pang Pilipino fighters sa jiu-jitsu dahil malaki ang paniniwala nito sa kakayahan at abilidad ng mga Pinoy.
- Latest