Mangosong magiging tinik sa landas ni Aguilar
MANILA, Philippines – Asahan na ang matinding bakbakan na magaganap sa pagsabak ni Davao pride Bornok Mangosong sa third leg ng 2016 Diamond Motor Coreporation Mx Series bukas sa Mx Messiah Fairgrounds, Taytay Rizal.
Ang paglahok ni Mangosong sa naturang karera ang posibleng pumigil sa pagmando ng beteranong si Glenn Aguilar sa huling dalawang karera sa pro open category.
“Throughout the years na kumakarera ako, I learned many things and encountered difficulties along the way. They all made me stronger and smarter as a rider,” wika ni Mangosong.
“You will see a more matured and relaxed Bornok. The biggest change that happened in me is my relationship to the Lord. He made me unstoppable,” dagdag pa ni Mangosong, miyembro ng UA Mindanao.
Sa kabilang banda, hindi naman magpapahuli sa tagisan ng lakas ang muling pagkikita nina Ralph Ramento at Enzo Rellosa sa prolites division.
“My expectations for this leg is to have a good start and race with the top guys at the front. I’m preparing myself through proper body conditioning and cardio,” sabi naman ni Ramento, nanalo sa dalawang leg ng prolites.
Nakalinya rin sa naturang karera na pangungunahan ng Generation Congregation at suportado ng Diamond Motor Corporation kasama ang Wheeltek, Dunlop tires, Pilipinas Shell Petroleum Corporation, Coffee Grounds, Xtreme Adrenaline Sports Entertainment Co. at PTT Philippines Corporation ay ang Amateur open production, Executive class, Kids 85cc, Kids 65cc, Kids 50cc, Open underbone, Local enduro at ang MMF Academy.
Itatampok din sa karera ang bandang Silent Sanctuary, Brisom at Firefalldown sa concert.
- Latest
