Phoenix-FEU nakisosyo sa liderato
MANILA, Philippines – Dumiretso ang Phoenix-FEU sa kanilang ikatlong sunod na panalo para makisosyo sa liderato nang pabagsakin ang UP QRS/JAM Liner, 98-84, sa 2016 PBA D-League Aspirants’ Cup kahapon sa San Juan Arena.
Mula sa 2-14 pagkakabaon sa Maroons ay kumamada ang Accelerators para kunin ang 16-point halftime lead, 55-39, hanggang iposte ang 65-41 kalamangan sa gitna ng third quarter.
Nakalapit ang UP sa 74-85 agwat bago selyuhan nina Mac Belo at Roger Pogoy ang pangatlong sunod na ratsada ng Phoenix-FEU para tumabla sa CafeFrance at Caida Tiles sa liderato.
Sa ikalawang laro, dinaig ng BDO-NU ang AMA University, 93-87, para sa una nilang panalo sa tatlong laro.
- Latest