Alas pinakawalan ng Painters via three-team trade

MANILA, Philippines - Dahil puno na ang ka­nilang backcourt rotation ay nagdesisyon ang Elasto Painters na pakawalan si dating Letran guard Kevin Alas.

Nasangkot ang Rain or Shine sa isang three-team trade kasama ang Talk ‘N Text at NLEX.

Ibinigay ng Elasto Pain­ters si Alas, isang Gilas ca­det player, sa Tropang Tex­ters kapalit ni 6-foot-6 forward Nino ‘KG’ Cana­le­ta.

 Sinabi ni head coach Yeng Guiao na hindi na ni­ya mabibigyan ng pla­ying time si Alas dahil wala na itong lugar sa kanilang backckourt rotation na ki­na­bibilangan nina Paul Lee, Jeff Chan, Chris Tiu, Gabe Norwood, Ryan Araña, Je­ric Teng, TY Tang at Jo­na­than Uyloan.

Si Lee ay pumirma ng isang two-year contract sa Rain or Shine bago su­mama sa Gilas Pilipinas para kumampanya sa 17th Asian Games sa Incheon, Korea.

Dinala naman ng Elasto Painters si Canaleta sa Road Warriors para sa 2015 first round pick ng NLEX.

Maaaring makuha ng Asian Coating franchise sa 2015 PBA Rookie Draft ang sinuman kina UAAP Most Va­luable Player Bobby Ray Parks, Jr., La Salle cen­ter Norbert Torres at Fil-Tongan Moala Tautuaa.

Sa binagong trade deals na inaprubahan ni PBA Commissioner Chito Sa­lud noong Lunes ng ga­bi ay nakuha ng Tropang Texters si Jay Washington kapalit nina Noy Baclao, rookie Harold Arboleda at 2018 second round pick ng Globalport Batang Pier.

Si Arboleda ay ibinigay ng Globalport kasama ang kanilang 2016 at 2018 se­cond round picks sa NLEX para mahugot si No. 4 overall pick Matt Rosser Ga­nuelas.

Dinala ng Batang Pier si Ganuelas sa Tropang Tex­ters kapalit ng 2017 first round pick ng Talk 'N Text.

Maaaring i-trade ng Talk 'N Text ang sinuman kina Wa­shington at Ganuelas da­hil lampas na sila sa limit na limang active Fil-Foreign players sa bawat koponan.

Ang mga Fil-Ams ng TNT ay sina Jimmy Alapag, Kelly Williams, Ryan Reyes at Harvey Carey. (RC)