Hulihin, kawatan na taxi driver!

MASAKLAP ang sinapit ng isang retired police official matapos tangayin ng taxi driver ang kanyang personal na kagamitan kamakalawa ng gabi sa Quezon City. Sabi ni Col. Boy Bulan, “At around past 1 a.m. while waiting for a taxi ride at Anonas St cor. Durian St a private car stop in front of me and ask me where to my reply was bakit ano kayo then he replied from grab taxi so I told him at the airport without any words he left the area then at about 10 meters away from me, he parked his car in a hazard. Two more taxi stop in front of me and ask where to go, I said airport but they both refused. Then another taxi stop in front of me again ask same question and I told him airport he agreed provided with an additional of 50 pesos, I replied okay so I placed my cartoon at the trunk and my hand carried trolly at the back of passenger seat then after closing the door and I’m about to open the front passenger door he speed away. I was not able to get letters of the plate but the number was 3619 but according to a lady in a Burger stand she said it’s 3639. And a few minutes after the said taxi left the area the same private car who parked 10 meters away from also leave the area. It seems that this a new modus. The direction of taxi from Anonas cor. Durian going to Aurora”.

Mukhang sinasamantala na naman ng mga kawatan ang pagkakataon dahil pagod pa ang PNP at LTFRB dahil sa nakalipas na Christmas at New Year. Ngunit hindi makakapagtago ang taxi driver kay QCPD director C/Supt. Guillermo Eleazar at LTFRB chairman Martin­ B. Delgra III. Naghahagilap na sila ng mga CCTV sa pinangyarihan at subject dito ang dalawang numero ng taxi na ibinigay ni Boy Bulan at ng tindera ng burger machine. Kaya kung sino ka mang hudas lumantad ka na

Calling  Atty. Aileen Lourdes A. Lizada Mam, paki  urirat ang dalawang plate numbers na ibinigay ni Bulan dahil sa tingin ko oras na maipatawag mo ang drayber nito tiyak na mababawasan ang mga pasaway sa kalye. Kapag na-impound ang Taxi at mahuli ang drayber tiyak na ipipiyok nito ang kasabwat nitong SUV. Malaking kasiraan na naman ito sa taxi driver’s operator’s kung hindi ito maaksyunan ng PNP at LTFRB. Sa ngayon kasi labis na ang pagtutumangis ng mga taxi driver dahil kakapiranggot na lamang ang kanilang kinikita sa tumal ng sumasakay sa kanila. Idagdag pa ang mga insidente ng pananamantala  sa pamamagitan ng pangungontrata at pagtangay ng mga kagamitan ng mga pasahero. Siyempre darating ang araw na wala nang magtitiwala sa taxi at ang tatangkilikin na lamang ay ang Uber at Grab. Kaya hinahamon ko ang mga suking taxi driver sa Metro Manila, panahon na para makipagtulungan kayo sa PNP at LTFRB. Magtulong-tulong kayo na mawala ang mga ganid na sumisira sa imahe ng inyong hanapbuhay  nang maibalik ang tiwala ng sambayanan. Kung patuloy kayong magbubulag-bulagan at magbibingi-bingihan, ang pamilya n’yo ang maaapektuhan. Get n’yo mga suki kong taxi driver!