Mahal kong Pilipinas

Itong Pilipinas ay magandang bansa

maliit nga lamang pero pambihira

tatlong pulo itong may sariling wika

sa mapa’y tingnan mo at kahanga-hanga

Naliligid ito ng ilog at dagat

kaya mga tao’y hindi nasasalat

sa dagat at ilog ang  isda’y masarap

sa bayan at nayon may pagkaing sapat

Tingnan ang paligid at mapagmamasdan

luntian ang gubat sa hayop ay mayaman

sa buong paligid bundok ay naglisaw

nagtatanod ito sa sigwang daratal

May mga panahong bagyo’y dumarating

ang dumi sa bansa’y winawalis mandin

tahanang nawasak naitatayo rin

tahimik ang lahat kung gabing madilim

Palibhasa’y bansang may takot sa Diyos

mga mamamayan matapat maglingkod

ang bata’t matanda ay nakalulugod

mabubuting lider siyang sinusunod