‘Oplan Biyaheng Ayos’, inilunsad ng DOTr

Ngayong undas

MANILA, Philippines — Aalalayan ng Department of Transportation (DOTr) ang mga motorista at pasahero na inaasahang magsisiuwian sa kani-kanilang lalawigan ngayong Undas.

Nabatid na naka-high alert na ang mga tanggapan ng DOTr alinsunod sa kanilang ‘Oplan Biyaheng Ayos: Undas 2017’ upang tiyaking ligtas ang biyahe ng mga taong mag-uuwian sa mga probinsya.

Dalawampu’t apat na oras umanong tutulong ang mga tauhan ng DOTr sa mga pasahero at motorista simula Oktubre 30 hanggang Nobyembre 6.

Target nilang tiyaking tuluy-tuloy at mas maging mabilis ang operasyon sa mga terminals at counters upang maiwasan ang paghaba ng mga pila.

Kabilang din sa kanilang magiging responsibilidad ang mabilisang pagre-report ng mga aksidente at emergencies na mangyayari sa loob ng anim na araw na pagpapatupad ng Oplan Biyaheng Ayos.