US Homeland Security tutulong sa pagtugis sa frat member na dawit sa hazing ni Atio
MANILA, Philippines — Nag-alok ng tulong ang United States Homeland Security sa pamahalaan ng Pilipinas para maibalik sa bansa si Ralph Trangia, miyembro ng Aegis Juris fraternity na isa sa sinasabing suspect sa naganap na hazing ng UST Law student na si Horacio ‘Atio’ Castillo III, ayon kay DOJ Secretary Vitaliano Aguirre II.
Magugunita na naunang hiniling ng DOJ sa Department of Affairs (DFA) na kanselahin ang passport ni Trangia para ito mai-deport pabalik sa Pilipinas.
Sinasabing agad-agad na umalis ng bansa si Trangia kasama ang inang si Rosemarie patungong Chicago matapos pumutok ang balita sa hazing kay Atio.
Maging ang mga magulang at tiyuhin ni Atio sa kanilang pakikipagkita kay Pangulong Duterte noong nakaraang linggo ay humiling din sa kanselasyon ng passport ni Trangia.
Sa nakalipas ding Cabinet meeting, binanggit ni Pangulong Digong sa DFA na magkaroon ng representasyon sa US Dept. of State kung ano ang pwedeng gawin para maibalik sa bansa si Trangia.
- Latest