JPD Fun Run sa Boystown karon

CEBU, Philippines - Ang mga estudyante sa Sisters of Mary School-Boystown nagpanikad sa JPD Coaching Fun Run sayo karong buntag sa hawanan sa ilang tunghaan sa Tungkop, Minglanilla.

Ang 5K category alang sa mga nag-edad 14-anyos paubos, samtang ang 10K alang sa 15-anyos pataas.

Gawas sa 1,600 ka Boystowners, mosalmot sab ang 50 ka mga tinun-an sa Girlstown, mga magtutudlo ug ingon man mga madre nga maoy nagpadagan sa SMS.

Nagpasiugda sa maong kalihukan mao ang JPD Coaching nga gipangulohan ni Cebuana Olympic marathoner Mary Joy Tabal ug sa iyang coach nga si John Philip Dueñas. (BANAT NEWS)