Holdaper bulagta sa shootout

MANILA, Philippines - Napatay ang pinaniniwalaang notoryus na holdaper matapos makipagbarilan sa mga operatiba ng pulisya sa Tanauan City, Batangas kamakalawa ng gabi. Bandang alas-9:45 ng gabi nang pasukin ng holdaper ang tahanan ni Flordeliza Perez sa Barangay Poblacion 1. Tinangay ng suspek ang cell phone ni Perez na nagkakahalaga ng P3,000 saka mabilis na tumakas. Humingi naman ng tulong sa pulisya ang biktima kung saan hinabol naman ang suspek. Gayon pa man sa halip na sumuko ay pinaputukan ng suspek ang mga pulis na nauwi sa shootout. Inaalam ng pulisya ang pagkakakilanlan ng suspek na tinata­yang nasa pagitan ng edad 35-40 na nakasuot ng stripe na t-shirt at maong pants.