Ginang ni-rape slay

NORTH COTABATO, Philippines - Wala ng buhay nang matagpuan ang isang 29-anyos na ginang na pinaghihinalaang ginahasa muna bago brutal na pinatay matapos na makita ang bangkay nito sa palm oil plantation sa Purok 1, Dunguan, Mlang, North Cotabato. Kinilala ang biktima na si Amaida Mudsol Salindab, may asawa ng Bunawan, Datu Paglas, Maguindanao. Sa imbestigasyon ng SOCO team, ang biktima ay nagtamo ng iba’t-ibang tama saksak sa iba’t-ibang bahagi ng kanyang katawan. Hubad ang biktima nang makita sa damuhan at narekober din sa lugar ang ilang tsinelas, kutsilyo at iron pipe na gamit ng suspek. Agad na inilibing kahapon ng hapon ang biktima batay sa kaugaliang Muslim matapos na makita ang bangkay nito ng alas-6:30 ng umaga kahapon.