2 Vietnamese fisherman utas sa Navy
MANILA, Philippines — Dalawang mangingisdang Vietnamese ang napatay ng mga tauhan ng Philippine Navy habang limang kasama nila ang naaresto habang iligal na nangingisda sa West Philippine Sea noong Sabado.
Ayon kay Lt. Col Isagani Nato, information officer ng Northern Luzon Commander, na ang dalawang Vietnamese nationals ay iligal na nangingisda sa karagatang sakop ng 32 nautical miles ng Bolinao Pangasinan na bahagi ng teritoryo ng Pilipinas.
Sinabi pa ni Nato, nag?tangka pang tumakas ng nasabing mga mangingisda, subalit hinabol nila ito at pinaputukan sila ng baril.
Dahil dito kaya gumanti umano ng putok ang mga Navy na nagresulta sa pagkasawi ng dalawang Vietnamese nationals. Habang lima pa nilang kasama ang inaresto at dinala sa Bolinao police station.
Patuloy naman ang isinasagawang imbestigasyon ng mga otoridad kabilang na ang Department of Foreign Affairs (DFA) tungkol sa nasabing insidente at malaman ang pagkakilanlan ng mga naaresto at nasawi.
- Latest