Kelot na nasa drug list, itinumba

MANILA, Philippines - Sinalvage ng dalawang lalaki na sakay ng isang motorsiklo ang isa umanong lalaki na nasa drug watchlist naganap kahapon ng mada­ling araw sa Navotas City.

Ang nasawing biktima ay kinilalang si Mariano Sabolao, alyas “Totoy”, 50, at naninirahan sa Block 36, Lot 15, Phase 1A, Kaunlaran Village, Brgy. NBBS. 

Sa ulat, dakong alas-12:10 ng madaling araw nang madiskubre ang bangkay ni Sabolao sa kahabaan ng Road 10 Brgy. Bangkulasi, ng mga tauhan ng Police Community Precinct 3.

Isang security guard ang nakasaksi sa pagdating ng isang motorsiklo lulan ang tatlong lalaki at dito ay kinaladkad ng dalawa ang biktima na nakagapos saka pinagbabaril sa ulo.