Sino’ng Mas Paasa?

• Babae siyempre! Alangan naman sabihin ko kaming mga lalaki? Hahaha pero puwera biro, ang daming babaeng paasa. Pero kaming mga lalaki naman eh kung pinaasa lang eh move on na. Babae lang naman emosyonal masyado eh. Kung pinaasa ka lang at sinaktan eh ‘di ‘wag! Move on na sa ibang babae. Ganu’n lang kasimple hehe.– Raymond, La Union

• Sa tingin ko lalaki paasa. Marami na ang nagsabi sa akin na paasa raw ako eh. Ano’ng magagawa ko, mabait lang naman yata kasi talaga ako saka artistahin daw ako. Pero hindi ko naman talaga sila type. Masama ba maging mabait? Kahit nga mga kuya ko sinasabihan ng paasa eh. Hmmm nasa lahi lang ba namin o mas paasa kaya talaga ang mga lalaki? – Eman, Pasig

• Pareho lang paasa ang mga lalaki at babae ‘no! May mga niligawan ang babae, pinerahan lang ako. May mga niligawan akong lalaki, tinikman lang katawan ko! Mga buwakananginang mga ‘yan! Mag-aalaga na lang ako ng aso. Buti pa aso ko hindi ako niloloko at mahal na mahal ako. Lagi akong hinahalikan ‘di tulad ng mga paasang ‘yan!– Richard, Bulacan

• Depende naman yata sa tao ang pagiging paasa. At saka sa taong umaasa. Baka naman masyado lang feelinggero at feelinggera ‘yung iba kaya sinasabi nilang pinaasa sila ng taong gusto nila mapa-lalaki man o babae. Basta ako ah, kung gusto ko ang isang tao ginagawa ko ang lahat para mapangiti at mapasaya siya. ‘Pag mahal ko na ay dun ko na siya ipu-pursue. – Ben, Cebu

• Mga bakla! Mga bakla ang paasa! Jusko, ang dami-daming bakla na paaasahin kang mahal ka at bibigyan ka ng magandang buhay pero kapag nakakita ng mas gwapo, mas bata at mas ‘malaki’ sa’yo eh iiwanan ka rin naman pala! Pesteng mga bakla ‘yan! – Ferdie, Bohol