Pamilya ng may kaarawan sa Netherlands damay sa pagbati

Tuwing mayroong nagdiriwang ng kanyang kaarawan ay normal nang binabati ito ng kanyang mga kaibigan at pamilya. Maging sa ating bansa ay ginagawa ito, may mga sorpresa pa nga kadalasan ng pagbati ang nagaganap.

Sa Netherlands, kakaiba ang tradisyon ng mga Dutch ‘pag sasapit ang iyong kaarawan. Hindi lang kasi ang mismong may kaarawan ang kanilang binabati, ma­ging ang buong pamilya nito ay binabati nila. Ito’y dahil nakasama pa rin nila ang kanilang pamilya sa pagdagdag ng taon sa kanyang edad. Sumisimbulo rin ito ng pasasalamat na napalaki ng mga magulang ang may birthday na isang mabuting tao.

Ang ganitong positibong pananaw ay magandang tularan dahil nakatutulong ito para mas mapalakas ang relasyon ng isang pamilya.