Sunshine binura na sa buhay ang mister!

Mula sa @shinedizontan, pinalitan na ni Sunshine Dizon ang kanyang username sa kanyang Instagram and Twitter account. Inalis na niya ang apelyido ng kanyang asawang si Timothy Tan at ngayon ay @msunshinedizon na ang kanyang handle name.

Sa isang post ng aktres ay nagpapasalamat siya sa lahat ng suporta na ibinibigay sa kanya ng mga nagmamahal sa kanya.

“I would like to sincerely thank everyone for showing your support and love. A lot of you I don’t know but still you went out of your way to make me feel that I am not alone.

“Some of you have also shared your own stories. It breaks my heart all the more knowing there are lots of you suffering in silence. I hope one day, my story becomes your story, a story of courage.

“This is just not my fight anymore but also your fight. Do not feel small and ashamed. Keep your heads up and have pride. Stand on the truth, fight for what is right and just. Lalaban po tayo,” post ni Sunshine.

Nag-post din siya ng pasasalamat sa kanyang ina na laging nariyan para sa kanya at para alagaan ang dalawa niyang anak ‘pag nasa trabaho siya.

“Mahirap mahiwalay sa mga bata sa mga ganitong panahon. Salamat sa Mama ko at andyan siya pag kailangan ko magtrabaho at sa dalawa kong angels Elona at Naneth.

“Mahirap maging ina pero kailangan natin lumaban at itaguyod ang ating mga anak. Saludo ako sa lahat ng mga nanay na ‘di su­musuko at kinakaya ang lahat.

“Napakasuwerte ko pa rin at may dalawa akong anghel. Maswerte pa rin ako at kahit na bagsak kaya pa din bumangon at magsimula mag isa dahil may trabaho kahit papaano.

This fight is for my babies Doreen and Anton. Mama will always love and protect you. I will give my all and best to give you the best life possible. I miss you my loves.#chinadollandtonyboy,” post ni Shine.

Good thing, kahit may pinagdaraanan ay hindi naman apektado ang trabaho ni Shine. Nag-post siya ng larawan nila ni Gabby Eigenmann na kasama niya sa Magpakailanman episode.

“Blessing to be working with my kapatid and favorite co actor specially at times like this. Abangan sa #Magpakailanman very soon!,” she posted.

Kasama rin si Sunshine sa Encantadia 2016 at ibang papel naman ang gagampanan niya ngayon sa serye. Matatandaang ang aktres ang gumanap na isa sa mga Sang’gre na si Pirena sa original version na ngayon ay gagampanan naman ni Glaiza de Castro.

Daniel hindi na ramdam ang pagiging Brazilian

Ayon kay Daniel Matsunaga, hinding-hindi siya magsasawa sa girlfriend na si Erich Gonzalez kahit halos araw-araw silang nagkikita since magkasama nga sila sa Be My Lady.

Actually, say ni Daniel, mas pabor nga raw sa kanya na nagkasama sila sa serye dahil nagkaroon sila ng maraming oras para magkasama.

“We have more time for each other and we get to spend time. I think that’s the most important thing. Well we are much stronger ngayon I can say and we get to spend so much time together and to learn with other, adjust to each other,” pahayag ni Daniel sa interview ng ilang entertainment press sa isang event kamakailan.

Hindi rin daw hadlang ang pagiging magkaiba nila ng kultura ni Erich.

“Some people say there is a lot of difference between our cultures ‘di ba Brazil and Philippines but I guess wala, kasi ano Pilipino na ako. I’m already more than seven years here. We spend a lot of time together, we’re getting stronger. We’re always trying to be very positive in life,” he said.

Lalong magkakaroon ng time for each other ang showbiz couple dahil nakatakda silang magpunta ng Singapore para mag-taping ng BML.

“I’m really happy. Sobrang blessed kami, extended kami dahil sa mga fans namin. It’s been more than ten months of taping the show and six months na lumabas sa TV so it’s getting better and better.

“Our ratings are getting higher and super nakakatuwa kasi the show itself shows that the OFWs, they get inspired, they miss the country dahil sa show. Madaming magandang comments about the show. That it’s very positive and very light,” pahayag pa ni Daniel.