Pintura karon di na delikado

CEBU, Philippines - Ang 21 ka kompaniya sa pintura sa nasud naghimo na karon og architectural, decorative ug household (ADH) nga mga pintura nga wala nay lead-based pigments, driers ug anti-corrosion agents.

Ang EcoWaste Coalition, usa ka chemical safety ug zero waste watch nga grupo, nibutyag sa maayo   nga balita human nila nadawat ang tubag sa mga tiggama og pintura nga ila nang gituman ang tulo ka tuig nga lugway aron sa pagwagtang  sa lead-containing ADH nga pintura nga nahuman niadtong Disyembre 31, 2016.

“We give our compliant paint manufacturers two thumbs up for meeting the phase-out requirements for lead in ADH paints as provided by law.  This is good news, especially for our children who are most vulnerable to the toxic effects of lead exposure,” matud ni Aileen Lucero, ang national coordinator sa EcoWaste Coalition.

Ang EcoWaste Coalition mopahigayon og laing survey karong tuiga aron pagseguro nga ang maong gidili nga mga chemical sa pintura wala na ba gyud kini gigamit sa mga pabrika niini.

“The overwhelming response of the country’s paint makers provides a good barometer of the enforceability of the prohibition on lead-added paints and the readiness of the industry to innovate and comply,” matud pa ni Lucero sa iyang press statement nga gipadala sa Banat News.

Matud sa World Health Organization nga "at high levels of acute exposure" ang lead nga chemical posible kini mo atake sa utok ug central nervous system ug ang biktima pwede kining ma-coma, kombulsiyon o moresulta kini sa kamatayon.

"There is no known level of lead exposure that is considered safe,” matud sa WHO. - /GMR) (BANAT NEWS)