Tinted na sasakyan ipagbabawal
MANILA, Philippines - Nakatakdang ipatupad ng Metro Manila Development Authority (MMDA) ang pagbabawal sa tinted na salamin ng mga sasakyan maging ito ay sa pribado at pampublikong behikulo.
Ayon kay MMDA General Manager Tim Orbos, pinag-uusapan na nila ng mga opisyal ng Philippine National Police, Highway Patrol Group (PNP, HPG) at Land Transportation Office (LTO) ang pagbawal sa mga motorista ang paggamit ng mga colored tinted na salamin sa kanilang sasakyan sa darating na buwan ng Hunyo.
Anya, ang pagpapatupad ng anti-tinted vehicle regulation ay bahagi ng seguridad upang malaman kung ano ang nasa loob ng sasakyan at sa pagpapatupad na rin ng Anti-Distracted Driving Act.
Gayunpaman, sinabi ni Orbos, hinihintay na lang nila ang rekomendasyon ng mga car manufacturer hinggil mga tinted na behikulo dahil may grade aniya kung ilang degree ang paglalagay ng color tint sa isang sasakyan.
Sa ilalim ng LTO at MMDA regulation, ang paglalagay ng heavily tinted colored/painted windshield o window glass ay ipinagbabawal na may multang P500.
- Latest