Kaye sa Cebu na mopuyo
CEBU, Philippines - Gibutyag sa aktres nga si Kaye Abad nga sa Cebu na siya moistar inigkahuman sa kasal nila sa Sugbuanong aktor nga si Paul Jake Castillo karong Disyembre. Matud pa sa aktres nga kung makabaton na siya og kaugalingong pamilya, ganahan siya nga mohatag og dakong atensyon niini.
Matud pa hinay-hinay na siya nga nagkat-on og pinulungang binisaya.
Dugang pa niya nga andam na usab siya nga mamahimong inahan gumikan kay naanad na siya sa iyang mga karakter kaniadto sa nagkadaiya niya nga proyekto.
Paolo nang-hugyaw sa Japan
Naukyab ang mga tawo nga nitambong sa bag-ohay lang nga 29th Tokyo International Film Festival didto sa Japan human nilugwa si Paolo Ballesteros nga nagtangag sa hitsura ni Angelina Jolie.
Nasayran nga hanas na si Paolo sa pagsunod sa mga dagway sa nagkadaiyang mga personalidad pinaagi sa make-up transformation.
Si Paolo maoy bida sa pelikula nga Die Beautiful ug kauban usab niya sa pagtikang sa maong kalihokan ang direktor nga si Jun Robles Lana ug ang producer niini nga si Perci Intalan.
Sa maong pelikula , gidala ni Paolo ang karakter niini nga Trisha Echevarria nga usa ka transwoman beauty queen nga nangandoy nga magpabilin ang iyang kaanyag hangtod sa iyang kamatayon.
Gawas sa Die Beautiful, nisalmot usab sa maong film festival ang laing Pinoy films, sama sa Hele Sa Hiwagang Hapis ni Lav Diaz, I America ni Ivan Andrew Payawal , Birdshot ni Mikhail Redug Shiniuma ug Dead Horse ni Brillante Mendoza.
Miss Grand International 2016 Pambato sa Pilipinas maoy 1st runner-up
Nakoronohan isip first runner- up ang pambato sa Pilipinas nga si Nicole Cordoves sa bag-ohay lang nga Miss Grand International 2016. Gipahigayon ang indigay sa Westgate International Theater, sa Las Vegas, Nevada, USA. Duna’y mga tawo nga wala mahimuot sa tubag ni Nicole sa final Q and A kung diin gipapili ang Top 5 sa duha nga kandidato sa pagka-presidente sa Amerika nga sila si Donald Trump ug Hillary Clinton.
Si Trump ang gipili nila ni Nicole ug sa kandidata sa USA nga si Michelle de Leon. Daghan ang miisa sa ilang kamot ug gi-boohan ang ilang mga tubag. Apan dali nga gipanalipdan ni Nicole ang iyang tubag.
“Okay, you have to promise me that you would react after my first sentence. I would choose Donald Trump to stop the war and violence with me because if we choose him to switch to our side, there won't be war and violence anymore.I will also make sure that he will read my speeches to stop the war and violence, because imagine, someone who would bring so much madness, and so much emotion to these people, what if we use his voice to actually do good for the world? What if we use that to our advantage? So that's why let's keep the peace and let Donald Trump to switch to our side to stop the war and violence”, suma pa ni Nicole.
Napili nga Miss Grand International 2016 ang kandidata sa Indonesia nga si Ariska Putri Pertiwi . Siya maoy nagsunod sa titulo sa representante sa Australia nga si Claire Parker nga maoy nakahupot sa maong titulo sa miaging tuig. Tulo na ka higayon nakasulod sa Top 5 ang mga pambato sa Pilipinas sa upat ka tuig nga pagpahigayon sa maong indigay .
Kahinumdoman nga nalangkat ni Parul Shah ang puwesto nga 2nd runner up niadtong 2015 ug 3rd runner up usab si Annalie Forbes niadtong 2013.
Karong tuiga, nahimong 2nd runner-up ang pambato sa Thailand nga si Supaporn Malisorn; 3rd runner-up ang kandidata nga nagikan sa Puerto Rico nga si Madison Anderson; ug 4th runner-up si Michelle Leon sa USA. (BANAT NEWS)
- Latest