Agosto 24, 2015

SAGITTARIUS (Nob. 23-Dis.21) — Kalimti na lamang ang miaging samok sa imong pinangga. Hatagi’g maayong kausaban ang imong kaugalingon sa tunghaan ug trabahoan. Sa umaaging balatian sa lawas pag-amping.

CAPRICORN (Dis. 22-Ene.19) — Sud-onga ang mga panghitabo sa imong pinuy-anan. Hatagi’g surprisang butang ang imong pinangga.

AQUARIUS (Ene. 20-Peb.18) — Ayaw pauwat sa imong laraw sa gugma ug kuwarta. Dad-a sa malipayong dapit ang imong pinangga. Sa tigbasay paglikay. Swerteng Numero - 9-1-8. Lugar Demalas-Swimming Pool.

PISCES (Peb. 19-Mar 20) —Ubani ang imong kaubanan sa maayong lakang sa negosyo ug trabaho. Ayaw tuguti ang kaulaw mobabag sa imong gugma. Wala kay kuyaw abtonon ning adlawa.

ARIES (Mar 21-Abr. 19) — Pagbinut-an sa imong batasan aron ka daygon sa imong pinangga. Palayo sa mga bisyo sa imong higala ug kaubanan. Sa sunog pag-alisto. Butang Debwenas - Presko nga nucos. Swerteng Numero - 5-4-1.

TAURUS (Abr. 21-May 20) —Tabangi ang naglisod mong silingan ug paryente. Humana ang napundong buhat sa negosyo ug pinuy-anan. Demalas ka karong adlawa.

GEMINI (May 21-Hun. 21) —Kalipay sa trabaho ug gugma ang mahitabo. Ayaw kahinayak sa salawayong pamilya ug higala. Sa adikon ug palahubog pahilayo. Butang Debwenas - Chocolate cake.

CANCER (Hun. 22- Hul.22) —Kalit kasamok ang mopaluya kanimo sa negosyo ug trabaho. Paglikay sa masuk-anong higala ug kaila. Kuyaw ka sa aksidente karong adlawa. Butang Debwenas - Bitoon sa langit.

LEO (Hul.23-Ago 22 —Mapuslanong higayon ang molipay kanimo sa trabaho, negosyo ug tunghaan. Bisitahe ang halayo mong paryente. Wala kay peligrong umaabot ning adlawa.

VIRGO (Ago 23-Set. 23) —Sinahang higala ug silingan ang mohasol sa imong trabaho ug negosyo. Susiha ang imong kuwartang gitagoan ug gasto bayranan. Sa ilad paiway. Butang Debwenas - Pritong itlog.

LIBRA (Set. 24-Okt. 23) — Madasigong paningkamot sa gugma, trabaho ug negosyo ang ipakita. Wala kay disgrasyang paaboton ning adlawa. Butang Debwenas - Pineapple juice.

SCORPIO (Okt. 24- Nob. 22) — Padayon sa mabulokong pagtagad sa imong higala. Ayaw tagad sa mga tabi ug intriga sa gugma ug trabaho. Imong swerte karong adlawa. Butang Debwenas - Bibliya. Swerteng Numero - 9-7-8.