Martinez nabigo sa Olympic berth

MANILA, Philippines - Para makakuha ng puwesto para sa 2018 Winter Olympics ay kailangan pa ni Filipino ice skating star Mi­chael Martinez na su­ma­bak sa qualifying event sa Germany sa Setyembre.

Ito ay matapos mabigo ang 20-anyos na si Marti­nez na masikwat ang No. 24 spot sa kabila ng na­italang 196.79 points sa World Figure Skating Championships sa Helsinki.

“The next qualifying event for us will be at the Ne­belhorn Trophy in late September. Six spots to be awarded for singles ska­ting,” sabi ng Philippine Skating Union sa kanilang Twitter account.

Ang Nebelhorn Trophy ay nakatakda sa Setyembre 27-30 sa Oberstdorf, Germany.

Ang Top 24 skaters sa men’s singles event ay ma­kakakuha ng tiket para sa Winter Games, ngunit ang inupuang No. 24 spot ni Mar­tinez ay napasakamay ng bansang may dalawang atletang nakapasok sa Top 13.

“Yes, Michael Martinez finished at the Top 24 at Worlds, but with other countries earning multiple spots, the 24 spots were quickly filled,” paliwanag ng Philippine Skating Union.

Ang mga bansang nasa Top 13 at may dalawang at­leta ay pinapayagang mag­dala ng isa pang skater sa 2018 Winter Games na ida­raos sa Pyeongchang, South Korea.

Ang Japan (1st at 2nd), Canada (5th at 9th), United States (6th at 7th) at Russia (8th at 11th) ay maaaring mag­dagdag ng ikatlong ska­ter sa kanilang tropa.

Noong 2013 edition ng nasabing event ay nakasik­wat ang 20-anyos na si Mar­tinez ng tiket para sa 2014 Sochi Olympics at hi­nirang na unang skater mu­la sa Southeast Asia na naka­gawa nito.

At kumpiyansa si Mar­ti­nez na muli niya itong ma­gagawa.