SBP referee's training himuon karon
CEBU, Philippines - Ang Samahang Basketbol ng Pilipinas (SBP) mopahigayon og National Basketball Officials Accreditation and Licensing sugod karong adlawa diha sa Cebu City Sports Institute sa Barangay San Nicolas, ning dakbayan sa Sugbo.
Ang tulo ka adlaw nga seminar ug clinic nga modagan hangtod karong Domingo kabahin sa misyon sa SBP nga palambuon ang kalidad sa basketball officiating ning dapita sa nasud ug ingon man bairon pa ang abilidad sa mga beterano na nga mga reperi.
Mopahigayon niini mao si SBP Technical Commission chairman Liberato Valenzuela ug FIBA referee Ricor Buaron.
Ang sesyon ipahigayon gikan sa alas-8 sa buntag hangtod sa alas-5 sa hapon matag adlaw. Abli kini sa tanang mga interesadong reperi sa Sugbo ug ingon man kasikbit niining dapit dinhi sa rehiyon.
Kadtong mga mosalmot ipaubos sa eksaminasyon human sa ilang training aron pagsuta kun angayan ba silang i-accredit ug hatagan og lisensiya isip mga reperi ubos sa poder sa SBP.
Alang sa dugang impormasyon, mahimong motawag ni Rey Cañete sa telepono 262-6062 o 0925-5019728 (BANAT NEWS)
- Latest