84-anyos lolo natupok sa sunog
MANILA, Philippines – Natupok ng apoy ang isang 84-anyos na lolo na si Ildefonso Eligoyo matapos na makulong sa nasusunog nilang bahay sa Brgy. San Antonio, Bombon, Camarines Sur, kahapon ng madaling araw.
Batay sa ulat, dakong alas-3:00 ng madaling araw ay napansin ng mga residente na nasusunog ang bahay ng biktima kaya’t agad nila itong ipinagbigay alam sa bumbero na agad na rumesponde sa lugar.
Sinikap na mailigtas ang biktima, subalit dahil sa lakas ng apoy hindi na nagawang makalabas ng bahay ang biktima. Inaalam pa kung ano ang pinagmulan ng apoy.
- Latest