Amo, 2 pa kinasuhan ng murder sa pagpugot sa kasambahay
MANILA, Philippines - Kahapon ay pormal nang kinasuhan ng murder ang tatlong suspek kabilang ang amo na pumugot sa kasambahay na si Rachelle Sagang, 17, na ang katawan ay natagpuan sa Bulacan habang ang ulo ay sa Makati City.
Ang mga suspek na kinasuhan ng murder sa Makati City Prosecutor’s Office ay sina Aleli Froilan Yap (amo ng biktima); Akiko Nyron San Diego Lindon at Crissamae Aniel Chali “alias Samantha”, pawang nasa hustong gulang at residente ng #101 panulukan ng Caimito at Tamarind Sts., Brgy.Ayala Alabang Village, Muntinlupa City.
Nabatid, na si Richelle ay dinala sa guard house ng Ayala Alabang Subdivision noong Enero 12 dahil pinagbibintangan ng mga suspect na sangkot sa pagnanakaw at kinagabihan ng nasabing araw ay natagpuan ang katawan nito sa Santa Maria, Bulacan, alas-11:00 ng gabi at ang pugot na ulo ay natagpuan sa isang creek sa Kalayaan Avenue sa Makati City noong Enero 14.
- Latest