Mekaniko itinumba ng 2 nakamotorsiklo
MANILA, Philippines – Dead-on-the-spot ang isang 24-anyos na mekaniko nang barilin sa ulo ng dalawang ulit ng riding-in-tandem sa Tondo, Maynila, kamakalawa ng gabi.
Kinilala ang biktimang si Michael Acuña, at residente ng Tondo, Maynila.
Sa ulat ni PO3 Marlon San Pedro ng Manila Police District-Homicide Section, dakong alas-11:30 ng gabi nang maganap ang insidente sa may Batangas St. Tondo.
Matapos ang pamamaril ay humarurot na papatakas ang mga suspek na inilarawan sa edad 20-25-anyos, balingkinitan, isa ang naka t-shirt na puti at isa ay nakasuot ng gray na t-shirt, nakasuot ng bull cap at magka-angkas sa Yamaha Mio motorcycle.
Sinabi ng live-in partner na si Julia Ann Campos, na matapos silang maghapunan, dakong alas-8:00 ng gabi kamakalawa ay dumating ang isang alyas Bale at sinabihan ito na may pagkakaperahan sila.
Bandang alas 11:35 ng gabi nang tinatawagan ni Campos ang biktima ay hindi na ito nagre-reply hanggang sa may magbalita sa kanya na napatay na ang biktima.
- Latest