Pahayag ni Calida sa JVA ng Bucor-Tadeco, premature pa

MANILA, Philippines - Premature umano ang pahayag ni Solicitor General Jose Calida kaugnay sa Joint Venture Agreement (JVA) sa pagitan ng Bureau of Corrections (Bucor) at Tagum Agricultural Development Inc (Tadeco).

Sa inilabas na statement ng Tadeco, masyadong premature ang pahayag ni Calida dahil mayroon pa umanong on going review sa pagitan ng Bucor at Tadeco sa Department of Justice (DOJ) gayundin ang pending resolution sa Kamara na inihain ni House Speaker Pantaleon Alvarez na nagpapa-imbestiga sa nasabing agreement.

Wala din umanong nakahaing kaso sa korte para sa kanselasyon ng nasabing JVA dahil tanging ito lamang ang makakapagdeklara na ang kontrata ay void.

Kaya ang pahayag umano ng OSG ay malinaw na prejudging sa JVA na hindi patas kung saan ang intensyon umano ay ikondisyon ang isip ng publiko at i pre-empt ang review sa DOJ gayundin sa Kamara.

“Our JVA has withstood the test of time and multiple reviews by Secretaries of Justice and several congressional investigations over so many years.   All of them have found our JVA to be valid and beneficial to the BuCor and the Republic of the Philippines”, pahayag pa ng Tadeco.

Ang mga nasabing usapin din umano ang inihayag ni Speaker Alvarez kaya walang bago sa pahayag ni Calida.Sa kabila nito handa naman umano sila na sagutin ito sa tamang oras at tamang venue.

Ang reaksyon ng Tadeco ay bunsod sa pahayag ni Calida na illegal ang JVA sa pagitan ng Bucor at nasabing kumpanya na pag-aari ni Davao del Norte Rep.Antonio Floreindo Jr. dahil sa labag ito sa Commonwealth Act 141 o ang Public Land.