Sugbo motabang sa naagian sa Lawin
CEBU, Philippines - Nagplano ang Probinsya sa Sugbo nga motabang sa mga lugar sa Luzon nga gikuso-kuso sa bagyong Lawin.
Matud ni Gobernador Hilario Davide III nga mopadala siya og team gikan sa Provincial Disaster Risk Reduction and Management Office ug makig-alayon sa Dakbayan sa Sugbo aron moadto sa mga apektadong lugar aron pag-assess kung unsa ang ila matabang.
“We will find out first unsa ang needs gyud ba but right now we already know nga daghan evacuees nga kinahanglan og mga pagkaon and some other kinds of help,” matud ni Davide.
Ang bagyong Lawin nibiya na sa Philippine Area of Responsibility apan nagbilin kini og dakung danyos labi na didto sa Luzon.
Sa report sa National Disaster Risk Reduction and Management Council, dili mominus pito ang kompirmado nga patay tungod sa bagyo ug ubay-ubay nga mga pamilya ang gipabakwit. (BANAT NEWS)
- Latest
