Prince Albert nasa bansa

MANILA, Philippines – Nasa bansa para sa 2-day state visit sa Pilipinas ang Prinsipe ng Monaco na si Prince Albert 11 na dumating kagabi sa Villamor Airbase sa Pasay City.

Lulan ng special flight (Falcon 7x) ang Monaco prince na lumapag dakong alas-6:20 kagabi sa Villamor airbase sa Pasay City.

Ngayong Huwebes ay magtutungo ang prinsipe sa Malacañang para sa courtesy call kay Pangulong Aquino.

Magkakaroon ng expanded bilateral meeting sina Pangulong Aquino at Prince Albert kasunod ang pagsaksi ng mga ito sa mga kasunduan sa pagitan ng Monaco at Pilipinas. Pagkakalooban naman ni PNoy ng state luncheon ang bumibisitang prinsipe ng Monaco sa Malacañang.

Bandang alas-4:00 ng hapon ngayon ay magtutungo ang prinsipe ng Monaco sa Palawan para sa kanyang 7-araw na bakasyon.