Bangko dili pasirad-an
CEBU, Philippines - Makaginhawa na og lawom ang liboan ka mga depositor ug executives sa BDO Unibank, Inc. human gi-aprubahan sa RTC Branch 18 ang gi-file nga writ of preliminary injunction ug gimanduan ang kagamhanan sa Siyudad sa Sugbo nga dili pasirad-an ang 28 ka branches niini sa siyudad.
Sa mando ni RTC Executive Judge Gilbert Moises niadtong Marso 28, kini miingon nga ang korte nakakita nga angay aprubahan ang writ of preliminary injunction kay takos ug angay kini.
“As is jurisprudentially settled, a writ of preliminary injunction is issued upon the satisfaction of two requisites namely; 1) the existence of a right to be protected; and 2) acts which are violative of said right. After a careful sampling of the evidences presented as appearing on record, the court finds both requisites present in the case at bar,” matud sa order.
Si Mayor Tomas Osmeña sa iyang bahin miingon nga moduso sila og motion for reconsideration. Diin matud ni city attorney Joseph Bernaldez nga sayop ang nakita sa korte.
Sa gipadala nga press statement, ang BDO nanghinaut nga iproseso na sa siyudad ang ilang mga pending nga business permit applications human ila nang nahatag ang tanang gipangayo nga mga dokumento.
Kahinumduman nga gikasuhan ni Osmeña ang BDO Magallanes Branch niadtong Enero human giingong wala kini mobayad og tarong sa ilang buhis. (BANAT NEWS)
- Latest
