3 biktima ng salvage itinapon sa daan
MANILA, Philippines – Tatlong bangkay ng lalaki na hinihinalang biktima ng summary execution ang natagpuan sa isang kalye sa Quezon City, kahapon ng umaga.
Sa ulat ng Quezon City Police District-Criminal Investigation and Detection Unit (QCPD-CIDU) ang mga biktima ay pawang mga walang pagkakakilanlan at pawang mga nasa pagitan ng edad na 25 hanggang 45. Isa sa kanila ay may Tattoo sa kaliwang braso na image ng Krus at sulat na Blind Fold sa likuran.
Nadiskubre sa kalsada ng Champaca St., Maligaya Park Subdivision, Brgy. Pasong Putik sa lungsod dakong alas-5 ng madaling araw ang bangkay ng mga biktima.
Sa imbestigasyon ng SOCO sa katawan ng mga biktima lumalabas na pawang nagtamo ang mga ito ng ligature marks sa kani-kanilang mga leeg na indikasyon na maaaring pinatay sa sakal. Wala ring iniwang plakard o nakuhang shabu sa crime scene.
- Latest