Alab Pilipinas nanamilit na sa ABL
CEBU, Philippines - Nanamilit na ang Alab Pilipinas human gilubong sa Singapore Slingers, 64-82 sa Game-2 sa “best-of-three” semifinals series sa ASEAN Basketball League sa miaging gabii didto sa Star Arena sa Bulacan.
Ang Alab wala kasugakod sa ataki sa Slingers nga gipangulohan sa ilang Pinoy import ug kanhi PBA point guard nga si Josh Ubiztondo, kinsa mirehistro og 20 puntos.
Wala kaayo kapakita og aksiyon sa Alab ang Fil-Am sensation ug kanhi NBA Developmental League cager nga si Ray Parks Jr. kay adunay gihambin nga angol sa tuhod. Si Kiefer Ravena maoy mibida sa Alab nga mipabuto og 16 puntos.
Ang Slingers maoy makigharong sa Hong Kong Eastern Long Lions sa “best-of-five” finals series. Ang Hong Kong mitaktak sa Saigon Heat sa kaugalingon nilang “best-of-three” semifinals series. (BANAT NEWS)
- Latest