Kasal

CEBU, Philippines — Magkauban sa usa ka proyekto sila si  Derek Ramsay , Bea Alonzo ug Paulo Avelino sa upcoming film sa Star Cinema.  Gihimo na ang story conference niini  niadtong Lunes sa hapon.  Si Direk Ruel Bayani maoy mogama sa  maong pelikula nga nag-ulohan og Kasal.

McLisse maka-album na

Nagpanikad na og maayo sila si  Elisse Joson ug  McCoy de Leon gumikan kay i-release na sa dili madugay ang ilang first album.   Hangtod karon, wala pa gyud mohatag og katin-awan ang duha sa tinud-anay nila nga istado.

KC nag-enjoy sa Europe

Giingong nag-enjoy si  KC Concepcion sa iyang kinahuhi   sa Europe ug mobalik lang kini dinhi sa nasud kung duna kini proyekto. Nasayran nga taod-taod na nga nahilom ang career ni KC.  Masigpatan usab si KC sa pipila ka mga relief program.

Regalo ni ninang

Mapasalamaton si  Regine Velasquez ngadto sa iyang ninang nga si Dra. Vicki Belo gumikan kay giregalohan siya niini og Hermes bag human nagmalampuson ang iyang duha ka gabii nga concert.  Si Dr.Vicki maoy usa sa nagluhod sa kasal  nila ni Regine ug Ogie Alcasid kaniadto.

Charity work

Niduaw gyud ang sikat nga singer nga si David Archuleta sa usa ka adoption center dito sa kaulohan sa miaging adlaw. Nahugyaw ang iyang fans gumikan kay nisakay ra siya og tricycle.  Nitikang si David sa Pilipinas gumikan kay duna siya’y concert.

Gitugtan ra

Naka-promote ra sa ABS-CBN  si Cristine Reyes sa pelikula niya nga Spirit of the Glass 2: The Haunted.   Nasayran nga duna’y laing horror movie nga gi-promote sa ABS-CBN, ang The Ghost Bride nga gibidahan nila ni Matteo Guidecilli ug Kim Chiu.

Nag-negosyo

Nagpatukod og restaurant si Ai Ai delas Alas nga duol sa ABS-CBN . Ang iyang anak nga si Sancho maoy modumala niini sanglit duna kini background sa  culinary. Padayon pa ang konstruksyon sa maong establisamento.

Naatol sa birthday

Karong  November 29 ipasalida sa mga sinehan ang  Barbie: The Wonder Beki nga gibidahan ni  Paolo Ballesteros. Sa maong adlaw usab saulugon ni Paolo ang iyang 35th birthday. Ang maong pelikula gidumala sa Octoarts Films ug  M-Zet Productions.

Oras sa pamilya

Dili gyud pakyason ni Dingdong Dantes ang iyang saad ngadto sa iyang asawa nga si Marian Rivera ug sa anak nila nga si Zia nga makabaton gyud og bonding time matag semana bisan pa man sa ka-busy sa iyang career.  Niadtong weekend, gisuroy niya ang iyang pamilya sa usa ka resort sa Lipa City. “A much needed weekend getaway with my girls,” suma pa sa Instagram post ni Dingdong,

Gimingaw sa followers

Tsika pa ni  Liza Soberano  nga gimingaw na siya og maayo sa iyang Twitter followers busa ni-tweet siya kagahapon aron mangumusta niini.  Matud pa sa aktres nga  usahay ra siya makabisita sa iyang social media account gumikan sa iyang ka-busy. 

Trending sa social media

Gipistahan sa social media ang episode sa La Luna Sangre  niadtong Lunes sa gabii gumikan sa transformation sa karakter ni Angel Locsin.

Komedya pa sa pipila ka netizens, kung duna’y  "Lady in Gold" sa seryeng  "Wildflower" ubos sa karakter nga  Ivy Aguas (Maja Salvador), duna pu’y  "Lady in Red" sa "La Luna Sangre" nga nagtangag sa karakter ni  Jacintha (Angel).

Top trending  topic sa Twitter niadtong  higayona ang  #LLSBagongPinuno. (Sanden J. Anadia)

Atak gipasinginlang nangmolestiya

Gisikop sa kapulisan ang komedyanteng aktor nga si Ronnie Arana, kinsa nailhan sa kadaghanan isip “Atak” human pasanginli nga nanggakos, nangmolestiya ug nanghalok sa usa ka male staff sa usa ka hotel.

Sa report sa philstar.com,   ang nireklamo nga hotel staff ginganlan og Mark Christian Macavinta, 21 anyos  ug attendant sa Okada Manila.

Base sa reklamo ni Macavinta, giingong ni-assist kini kang Atak padulong sa hotel room niini niadtong Lunes sa alas 2:40 sa hapon.

Sa  dihang nakasulod na siya sa lawak sa komedyante, giingong gisira niini ang pultahan  ug  kalit siya nga gigakos ug gihikap ang pribadong bahin sa iyang lawas.

Sa pagsuwat niining balitaa, wala pay official statement ang kampo ni Atak kinsa kasamtangang napriso sa Parañaque City Police.

P1.5M

Piolo ug Direk Joyce mitabang sa Marawi victims

Mihatag og tabang -pinansiyal ang managhigala nga sila si Piolo Pascual ug Dirfek  Joyce Bernal alang sa  pagpatukod og balik  sa mga  nanguba nga balay sa  Marawi City  nga giatake sa mga terorista sulod sa pipila ka bulan.

  Nagpasalamat ang aktor nga si Robin Padilla sa mga tawong nitabang sa rehabilitasyon sa maong siyudad.

Matud pa niya nga midonar  si Piolo og P1million , samtang P500,00 usab  ang gihatag ni Direk Joyce.

“Pagkatapos na pagkatapos na makapaningil ng kanilang kinita sa pagiging mga producer ay hindi naisip ng dalawang ito na mag goodtime kaagad o magpakalunod sa celebration bagkus ang ginawa nila ay hinanap ako at kagyat nag-donate ng pera para sa pagpapatayo ng bahay sa Marawi,” suma pa sa Instagram post ni Robin kinsa aktibo sa mga programa alang sa pagbangon sa  Marawi.   (BANAT NEWS)