Malambuong career ni Richard

CEBU, Philippines – Gipadayag ni Richard Yap  nga dili lalim ang iyang preparasyon sa pelikulang “The Amazing Praybeyt Benjamin”  gumikan kay mao kini ang labing una niya nga “full-length film” .

Midala ang aktor isip commanding officer ni Vice Ganda sa maong pelikula ug giangkon niya nga lingaw kaayo ikatrabaho ang komedyanteng TV host.

“Masaya naman kami sa set , ibang klase talaga si Vice, ang galing magpatawa,” tsika pa ni Richard sa dihang nahinabi sa Cebu Entertainment Group (E-Group) sa miaging adlaw.

Suma pa sa aktor nga na-enjoy siya pag-ayo sa maong pelikula ug panghinaut niya nga magsagunson na ang paglambo sa iyang career.

Malantawan na sa mga sinehan sugod karong December 25 ang The Amazing Praybeyt Benjamin ug gipaabot ang pagbaha sa mga tawo nga molantaw niini. Bisan nahuman na ang seryeng Be Careful With My Heart, padayon gihapon nga nagtrabaho si Richard.

Usa napud sa iyang pangandaman og sugod ang umaabot niya nga serye sa ABS-CBN nga sugdan sa unang bahin sunod tuig.

“Wala pa tayong buong detalye tungkol dito. Hindi ko po alam kung sino ang makakasama ko,” matud pa sa aktor. Sila si Dawn Zulueta ug Anne Curtis maoy pipila lang sa mga artista nga gipangandoy niya nga mahimong kapares sa umaabot niya nga projects.

“Open naman ako sa lahat,   susundin ko lang ang desisyon ng network , kahit sino ang puwede kong makatrabaho ,” dugang pa niya. Giangkon ni Richard nga intresado pud nga mag-artista ang iyang mga anak apan iyaha kini nga gitambagan nga humanon una ang pagtungha.

“Tapusin lang muna ang pag-aaral nila. Nandyan lang yan ang showbiz, nagkanayon ang Sugbuanong aktor.

Gawas sa iyang showbiz career, busy usab si Richard sa iyang mga negosyo didto sa kaulohan.

Malantawan usab sa The Amazing Praybeyt Benjamin sila si   Alex Gonzaga,Tom Rodriguez, James 'Bimby' Aquino-Yap,  ug Alex Gonzaga . Masaligon si Richard nga muhangop ang publiko sa maong pelikula  nga gidumala ni   Wenn V. Deramas.

Dedma galore

Miulbo ang istorya nga matud pa gidedma napud  ni Julia Barretto ang iyang amahan nga si Dennis Padilla atol sa Christmas party sa  Dreamscape Unit sa ABS-CBN sa miaging adlaw. Giingong kever na lang si Dennis niini gumikan kay naanad na siya sa binuhatan sa iyang anak.

Derek lig-ong pambato

Giingong si Derek Ramsay maoy usa sa gidungog og maayo nga usa sa mahimong makadawat og acting award sa Metro Manila Film Festival 2014 gumikan sa maayong performance niini sa pelikulang English Only, Please .

Mark napungot

Napungot pag-ayo si Mark Herras sa iyang bashers gumikan kay giapil na niini ang iyang anak. Okay ra unta sa aktor nga siya lang ang hilabtan ug dili apilon ang minahal niya sa kinabuhi.

Dili mo-surrender

Dili gihapon mohunong si German `Kuya Germs’ Moreno sa iyang panawagan nga ibalik sa kahanginan ang youth-oriented show nga That’s Entertainment. Suma pa ni Kuya Germs nga nagsugod sa maong show ang pipila ka mga artista nga ilado na karong panahona.

Unom ka buwan

Tsika pa sa direktor sa pelikulang Bonifacio, Ang Unang Pangulo  nga si Enzo Willim nga moabot gyud og unom ka buwan ang iyang pag-research sa kinabuhi ni Andres Bonifacio sa wala pa niya buhata ang maong pelikula.

Dingdong nagpaniwang

Gibutyag ni Dingdong Dantes nga nagpaniwang siya karon ug tipik kini sa iyang preparasyon sa umaabot nila nga kasal ni Marian Rivera karong December 30.  Naghinam-hinam na ang aktor sa pagsulod sa kinabuhing minyo.

Regalo sa kaugalingon

Nagplano si  Miguel Tanfelix  nga mopalit og bag-ong sakyanan ug mao kini  ang iyang  Christmas gift ngadto sa iyang kaugalingon.  Suma pa ni Miguel nagkadaghan na ang iyang mga gamit busa nagkinahanglan na siya og dakong sakyanan.

Ai-Ai naghudyaka

Gibutyag ni  AiAi de las Alas nga kompleto  gyud ang iyang Pasko karong tuiga gumikan kay  niuli gyud sa  Pilipinas ang iyang mga anak nga sila si  Nicolo ug  Sophia.

Andam na

Karong January 2, 2015 na mahuman ang seryeng Strawberry Lane sa GMA-7 ug ang Once Upon a Kiss maoy mohulip sa timeslot niini.  Sila si  Miguel Tanfelix ug Bianca Umali maoy  mga bida sa nahisgutang serye.

Ikawalong bridal shower

Ang inahan ni Dingdong Dantes maoy nag-organize sa ikawalong bridal shower ni Marian Rivera. Nagtimailhan lang kini sa mainitong pagdawat sa mga kabanay ni Dingdong ngadto kang Marian.

Ryzza negosyante

Gipadayag ni Ryzza Mae Dizon nga suwerte gyud  siya karong tuiga gumikan kay natuman gyud ang iyang pangandoy nga makabaton og kaugalingong negosyo nga adunay kalabotan sa computer. Target na usab karon sa batang aktres nga magtukod puhon og convenience  store.

Proud sa edad

Gipasigarbo ni Mylene Dizon ang iyang edad nga 40 gumikan kay natimailhan lang nga himsog ang iyang lawas.“My gosh, akala ko hindi ako aabot sa edad na ito!,” matud pa sa aktres.

Jimboy magminyo na

Sunod tuig na magpakasal si Jimboy Salazar ngadto sa iyang boyfriend. Una na nga giangkon ni Jimboy nga usa siya ka bayot busa mahimo na siya tawagon og “Jimgirl”. Si Jimboy maoy ex-boyfriend ni Mahal.

Lima ka anak

Target ni  Neri Naig nga makabaton sila ni Chito Miranda og lima ka anak. Excited na ang aktres nga mahimong usa ka inahan.

Tweet ni Lea nahimong isyu

Naukay ang publiko sa  reaksyon ni Lea Salonga sa performance nila ni Darren Espanto ug Sarah Geronimo sa pag-awit sa Bang Bang sa usa ka dakong kalihukan dili pa lang dugay.

Nasayran nga nakauyon si Lea sa performance ni Darren sa maong production number.  Nilengua si Lea nga si Darren  maoy angayan nga nakadaug sa The Voice.

“An awesome Bang Bang by @JustSarahG and #DarrenEspanto. Dare I say it, he should've won The Voice Kids. Haaaaay...,” tweet pa ni Lea. Nalantawan ni Lea ang performance nila ni Darren ug Sarah pinaagi sa video nga gi-post sa Youtube.

Dunay netizen ang nipadayag nga posibleng masakitan ang The Voice Kids champion nga si Lyca Gairanod sa tweet ni Lea apan nitubag dayong ang  singer og , "It's not that she [Lyca] isn't good. She is naman. But he [Darren] just continues to impress me as a singer and as a human being."

Panghinaut ni Jasmine

Nagpanikad na si Jasmine Curtis Smith sa pagsakay  sa float sa pelikulang Bonifacio, Ang Unang Pangulo sa umaabot nga Parade of Star sa Metro Manila Film Festival. Nanghinaut lang si Jasmine nga dili unta siya siyagitan sa fans ni Karthryn Bernardo. Ang ka-loveteam ni Kathryn nga si Daniel Padilla maoy leading lady ni Jasmine sa maong pelikula.