Coach: Dili tinuod Ancajas problema sa timbang

CEBU, Philippines — Gihimakak sa trainer ni IBF junior bantamweight champion Jerwin Ancajas nga naglisud ang iyang batos pagkuha sa timbang.

Si Joven Jimenez miklaro nga usa ka libra  lang ang lapas si Ancajas sa 115 weight limit ug positibo siya nga makuha kini karon sa official weigh-in didto sa Texas.

Ang gitan-aw nga ‘next Manny Pacquiao’ nga si Ancajas modepensa sa iyang bakus batok sa lig-ong Mexican challenger nga si Israel Gomez karong Domingo.

Si Ancajas nga mipirma og kontrata sa Top Rank Inc. ni Bob Arum laraw nga mohimo sa ikaupat niyang malampusong depensa sa iyang bakus nga iyang nakuha  gikan ni kanhi Puerto Rican star McJoe Arroyo niadtong tuig 2016.