Hidilyn Diaz mipahungaw sa iyang kadismaya
CEBU, Philippines — Ang Olympic weightlifter nga si Hidilyn Diaz mipahungaw sa iyang kadismaya kabahin sa kakuwang og pasilidad sa ilang training center didto sa Rizal Memorial Sports Complex sa kaulohan.
Alang ni Diaz, mao kini ang usa sa mga nag-unang hinungdan nganong hangtod karon bokya gihapon ang Pilipinas kun gold medal sa Olympics ang hisgutan.
“Nagtataka pa ba tayo bakit hanggang ngayon wala pa tayong Gold medal sa Olympics? Sabi ni coach 1990 pagpunta niya didto sa Manila ganito na ng gym hanggang ngayon ganito pa rin,” suwat pa ni Diaz sa iyang Twitter.
Si Diaz, lumad gikan sa dakbayan sa Zamboanga, maoy labing unang Pinay nga nakamedalya sa Olympics sa dihang nakadaog siya og silver sa 53kg. weightlifting category niadtong 2016 Rio Olympics didto sa Brazil.
Iyang giputol ang 20 ka tuig nga huwaw sa medalya sa nasud sa Olympics. Katapusang nakamedalya ang Pilipinas sa Olympics niadto pang 1996 didto sa Atlanta, Georgia kortesiya ni Onyok Velasco nga nakabira og silver sa boksing.
- Latest
