Dragon boat race sa Naga City gitakda
CEBU, Philippines — Walo ka koponan ang magtigi alang sa kampiyonato sa 2017 BakuNaga Dragon Boat Race karong Disyembre 16 ug 17 didto sa Boardwalk sa Naga City.
Lakip sa mosalmot mao ang mga pambato sa Sugbo nga Gruppo Habagat Dragon Boat Team, Philippine Accessibility Disability Services Inc. Adaptive Dragon Boat Racing team, Ariya Dragon Boat Team, Poseidon Dragon Boat Team ug Accenture Dragon Boat.
Moapil sab ang Bohol Paddlers, Yellow Fin Dragon Boat sa Dumaguete City ug Biliran State University paddlers gikan sa Tacloban.
Ang mga kategoriya nga lumbaan mao ang 400m open ug mixed categories.
“We had a race last October in Naga but it was just an exhibition race, from then on the Mayor Kristine Chiong wanted to organize another race on December that’s why we have come up with this and she has given her full support for this race” matud pa sa organizer nga si Randy Su.
Matud pa usab ni Su, nga ang maong lumba highlight sa bag-ong gitukod nga Naga Boardwalk nga nahimong atraksyon karon sa maong dapit. (BANAT NEWS)
- Latest
