“Backyard Brawl” sa Talisay karon nang gabii
CEBU, Philippines — Kulbahinam nga aksiyon ang masaksihan sa ipahigayong 7th Muay Thai and Kickboxing Invitational nga ulohan og “Backyard Brawl” karong gabii didto sa Dumlog Sports Complex sa dakbayan sa Talisay.
Magpinaksitay sa main event ang beterano nga si Michael Rebanos sa Redneos Iron Gladiator sa Talisay City batok ni Marciano Torio sa Arcomjukai sa Mandaue City.
“We are going to witness a battle of two of the most talented kickboxers in Cebu. Both of them are high level strikers and I am expecting an exciting brawl between the two,” matud pa ni organizer Kru Roberto Serdone.
Sa supporting bout, magsangka ang duha ka female fighters nga sila si Lymel Villacrusis sa YawYan Ardigma Cebu ug Leah Hara sa Arcomjukai.
Mokompleto sa fight card mao ang sangka nila ni Brille Tulod sa Black Panther batok April John Maraat sa Redneos, Clint Jun Bahala sa Cebu Muay Thai batok Petronilio Cornetes sa Arcomjukai, Cecilio Maque sa Redneos batok Restie Sasam sa Black Panther, Allan Albindo sa YawYan Ardigma batok Dario Ympanto, Ryuji Ozaki sa Redneos batok Robert Baligasi sa Black Panther ug Vincent Enad sa Redneos batok John Elray Nacua sa Arcomjukai. (BANAT NEWS)
- Latest