Reyes di na maglaum ni Blatche
CEBU, Philippines — Dili na maglaum pa si coach Chot Reyes nga moduwa uban sa Gilas Pilipinas si naturalized center Andray Blatche.
Si Reyes dili na gusto nga mohatag og negatibo nga komento sa langay pag-anhi ni Blatche sa Pilipinas. Si Blatche misaad nga moanhi og sayo aron makaapil sa ensayo sa koponan alang sa 2019 FIBA World Cup qualifiers nga sugdan sa Nobiyembre 24 didto sa Tokyo, Japan.
Si Blatche misaad nga moabot sa Pilipinas niadto pa untang miaging semana, apan wala’y bisan anino lang ni ex-NBA center nga mipatim-aw. Ang Gilas mogikan na sunod semana paingon sa Japan.
Si Reyes nagkanayon nga ikalipay niya kun moabot si Blatche, apan dili ra siya manumbaling kun usa ka all-Filipino nga Gilas line-up ang moduwa batok sa Japan.
Kahinumduman, si Blatche wala niduwa sa Gilas atol sa FIBA Asia Championship didto sa Lebanon. (BANAT NEWS)
- Latest
