Cebuana misidlak sa National Duathlon
CEBU, Philippines — Ang Cebuana nga si Miscelle Gilbuena ang misakmit sa labing una niyang national title sa 2017 National Duathlon Championship kagahapon didto sa Subic Freeport.
Ang 29-anyos nga si Gilbuena wa malisang bisan pa sa presensya sa ubang banggiitang atleta lakip na si defending champion Mirasol Abad.
Si Gilbuena mitapos sa unang dapit sud sa 20 ka oras, 20 minutos ug 16 segundos. Ang Cebuana wa maapsi sa rota nga gilangkuban sa 10K nga dagan, 40K bike ug laing 5K nga dagan.
Si Jermyn Prado maoy second placer sa oras nga 2:30:00, samtang si Rowena Valdez maoy ikatulo sa oras nga 2:33:33.
Mikampiyon sa men’s mao si Jarwin Banatao sa oras nga 1:57:42.
Sa sprint distance, ang pambato sa Talisay City nga si Kim Remolino pakyas pagsakmit sa titulo human maglibog sa rota, samtang si Karen Manayon ikaduhang dapit sa iyang kategoriya. (BANAT NEWS)
- Latest