Kobe gadumot sa US President
CEBU, Philippines — Ang NBA future Hall-of-Famer nga si Kobe Bryant miklaro nga wala siyay plano nga mutunob sa White House samtang si Donald Trump pa ang nagpabilin nga presidente.
Si Bryant usa lang sa mga daghang sports celebrity nga mipadayag sa ilang kadismaya ug ka walay gusto sa kasamtangang presidente sa Estados Unidos nga si Trump.
Nahimo na nga init ang isyu kabahin sa mga protesta sa mga sports stars batok ni Trump kinsa mibawus usab human niini gibalikas ang mga players sa National Football League ug gibawi usab niya ang imbitasyon ngadto ni Golden State Warriors star Stephen Curry human kini mailhi nga wa kauyon sa iyang mga polisiya.
Kasagaran sa mga giprotesta sa mga sports celebrities mao ang nakita nila nga di makiangayon nga pagtagad nga gihatag sa ilang gobyerno ngadto sa mga African-American. — (BANAT NEWS)
- Latest