Lin ‘out’ na sab sa season

CEBU, Philippines — Human ni Gordon Hayward sa Boston Celtics, lain na sab nga bitoon ang dili na makaduwa sa nahibiling bahin ning NBA season.

Si Jeremy Lin sa New Jersey Nets dili na makapakita og aksiyon gumikan sa seryosong injury nga nahiaguman niini sa tuo niyang tuhod.

Naangkon ni Lin ang injury sa tunga-tungang bahin sa katapusang kuwarter atol sa 140-131 nilang kapildihan ngadto sa Indiana Pacers niadtong Huwebes. 

Maayo niyang pagkahagba sa baseline human  sa iyang lay-up  ug   nakahilak  sa  tumang kasakit samtang gikuptan niini ang iyang tuhod. Mipupo lang siya og 18 puntos.

Ang kanhi Harvard guard laraw unta nga  mopakita og maayong labok sa ikaduha niyang tuig sa Nets human nalimitahan ngadto lamang sa 36 ka duwa sa miaging season gumikan sa injury sa iyang bagtak.

Apan nahugno ang iyang mga plano kay ning puntoha pa lamang natuldokan na ang iyang season. Si Lin duna pa’y duha ka tuig nga nahibilin sa kontrata nga iyang gipirmahan sa Nets sa miaging tuig nga mibalor og $36 million. (BANAT NEWS)