Ginebra mosuway paduol sa kampiyonato
CEBU, Philippines — Suwayan sa Barangay Ginebra Kings nga mopaduol sa PBA Governors’ Cup title sa dihang ila na sab nga sangkaon ang Meralco Bolts sa Game-3 sa ilang ‘best-of-seven’ finals series karong gabii didto sa Smart Araneta Coliseum.
Ang Ginebra nga abante sa serye, 2-0 mirehistro og dominanteng daog sa unang duha nila ka duwa. Sa Game-1 ang Ginebra midaog 102-87 ug ingon man sa Game-2 sa iskor nga 86-76.
Hinuon, si Ginebra coach Tim Cone dili mokompiyansa bisan pa sa iyang nakita nga wala gyu’y dag-anan ang Meralco sa unang duha ka duwa.
Si Cone miingon nga lisud nga maharos nila ang Meralco, apan kinahanglan nga modaog sila karon aron dili mameligro ang ilang sitwasyon.
Miangkon si Cone nga naglisud sila paglimita sa iskor ni Bolts import Allen Durham, apan nakabentaha sila tungod kay gidemalas ang mga local scorers sa Meralco. (BANAT NEWS)
- Latest