Romeo, COACH RACELA gipamulta sa PBA
CEBU, Philippines — Usa ka dakong silot karon nga season ang gipahamtang sa PBA Commissioner’s office ngadto ni GlobalPort Batang Pier star player Terrence Romeo tungod sa nahimo niyang salaod.
Si Romeo gipamulta og P20,000 tungod sa iyang paglabay og bola ngadto sa import sa Blackwater nga si Henry Walker atol sa ilang duwa niadtong Domingo.
Gilabay ni Romeo ang bola ngadto ni Walker human siya maigo sa kamot sa American import dihang padulong na unta siya nga molusot. Si Romeo gipagawas dayon sa playing court.
Gawas ni Romeo, laing gisilotan sa PBA mao si TNT KaTropa coach Nash Racela nga gipamulta og P17,000.
Ang P17,000 mao ang sumada total sa bayran ni Racela tungod sa tulo ka managlahing salaod. Una mao ang pagsaway sa mga officials sa duwa, pagbuhi og ngil-ad nga pulong batok sa mga reperi ug pagsulod niya sa playing court isip protesta atol sa ilang duwa batok sa Star Hotshots. (BANAT NEWS)
- Latest
