De Ocampo mo-debut na sa Meralco
CEBU, Philippines — Moduwa na sa labing unang higayon sul-ob ang uniporme sa Meralco Bolts si veteran star forward Ranidel De Ocampo batok sa Alaska Aces karong gabii sa PBA Governors’ Cup didto sa Smart Araneta Coliseum.
Ang Bolts (6-2) nga laraw makigsawo sa liderato uban sa Barangay Ginebra Kings makigharong sa Aces (3-6) sa alas-4:15 sa hapon.
Anaa na daan ang reigning Best Import nga si Allen Durham ug mga local slashers nga sila si Cliff Hodge, Chris Newsome ug Jared Dillinger, ang Meralco misamot kalig-on tungod sa pag-abot ni De Ocampo nga gi-trade sa TNT KaTropa niadtong Lunes.
Importante kaayo sa Bolts ang maong daog kay mao kini mohatag kanila og luna sa playoffs.
Sa main game sa alas-7 sa gabii, ang Star Hotshots laraw nga mopadako sa ilang tsansa sa Final Four sa dihang ilang banggaon ang GlobalPort Batang Pier. (BANAT NEWS)
- Latest