Pilipinas naka-gold na sab
CEBU, Philippines - Midaog og laing duha ka bulawang medalya ang Pilipinas sa triathlon event sa 29th Southeast Asian (SEA) Games kortesiya nilang Nikko Huelgas ug Kim Mangrobang kagahapon didto sa Kuala Lumpur, Malaysia.
Si Huelgas misakmit sa ikaduha niyang sunod-sunod nga SEAG men’s triathlon gold sulod sa usa ka oras, 59 minutos ug 30 segundos. Nagsunod kaniya ang kababayan niyang si John Chicano nga maoy miangkon sa silver sa oras nga 2:03:24.
Sa iyang bahin, gipukan ni Mangrobang si defending champion Claire Adorna alang sa laing 1-2 finish sa mga Pinoy sa women’s triathlon.
Ang ilang kadaogan nagduso sa kinatibuk-ang gold medals sa Pilipinas ngadto sa tulo, ang una gikan sa Sugbuanang si Mary Joy Tabal.
Bisan pa man niini, ang Pilipinas nalansang gihapon sa ikaunom nga dapit sa overall standings uban ang tulo ka golds, lima ka silver ug lima sab ka bronze. (BANAT NEWS)
- Latest