Belga pahamtangan og silot

CEBU, Philippines - Suspenso og usa ka duwa ug multa nga P17,500 maoy silot nga gipahamtang sa PBA Commissioner’s office ngadto ni Rain or Shine Elasto Painters star forward Beau Belga.

Tungod kini sapaghapak ni Belga ngadto ni  Jason Ballesteros sa Kia Picanto  atol sa ilang duwa niadtong Domingo.

Human matawgi og ‘flagrant foul’, si Belga mitala sa ikapito niyang technical foul sa liga. “Belga was obviously 'going for the man and not the ball when he hit Ballesteros,” matud pa sa official statement gikan sa PBA.

Si Belga moserbisyo sa iyang suspensiyon karong Agosto 27 diin ilang harungon ang Star Hotshots didto sa Smart Araneta Coliseum. (BANAT NEWS)