Banat ( Leaderboard Top ), pagematch: 1, sectionmatch: 1

Lee, Andrin nanghawod sa R399 race

CEBU, Philippines - Sila si Prince Joey Lee ug Cherry Andrin ang migawas nga mananaug sa tagsa-tagsa nila ka dibisyon sa R399: Live Your Dreams nga gipahigayon kagahapon didto sa Pescadores road sa Cebu Business Park.

Si Lee maoy naglawig sa 12K men’s human niya gihuman ang lumba sa 41 minutos ug 23 segundos gisundan nila ni Joseph Emia (41:32) ug Paul  James Zafico (42:46) sa ikaduha ug ikatulong dapit.

Si Andrin sa iyang bahin mitapos sa 12K women’s sa unang dapit sa oras nga 51 minutos ug 28 segundos. Si Jen Eda Arcuino maoy second placer sa oras nga 53:36, samtang si Rue Panibon mitungtong sa ikatulo sa oras nga 56:29.

Si Ruel Algufera maoy midaog sa 6K sa oras nga 22:04, samtang ang runner-ups sa men’s mao sila si Ji Boy Magbulogtong (22:15) ug Fritzlie Magbulogtong (22:18).

Ang mga top three finishers sa women’s 6K mao sila si Moira Erediano (27:00), Leah Tamopus (28:48) ug Leonora Villamor (31:04).

Ang maong lumba gipahinungod sa mipanaw na nga si Dr.Ramon Igaña kinsa nakalas atol sa 2012 edition sa Cobra Ironman 70.3. Ang iyang bib number atol sa maong lumba mao ang R399. (LPM) (BANAT NEWS)

  • Follow Us: